Општината Кисела Вода почна со акција за поплочување улици со павер-елементи.
– Во моментот се поплочуваат улици низ урбaната заедница Пинтија, на површина од околу 1.500 квадратни метри. Се работи на четири улици на кракот 18 од улицата Саса. Со градежни активности се опфатени и неколку улици во населбата и во селото Драчево, на површина од околу 500 квадратни метри. Во изминатите две седмици, со бекатон се поплочува кракот на улицата Киро Фетак, а до крајот на оваа недела ќе биде завршено поплочувањето и на кракот на улицата Солунска Глава – информираат од Кисела Вода.
Оттаму додаваат дека градежните активности за подобрување на естетиката, но и функционалноста на улиците не само во овие туку и во другите месни и урбани заедници ќе продолжи со иста динамика и во наредниот период.
