СЗО соопшти дека досега малку се знаело за разликите меѓу подваријантите и повика на истражување на карактеристиките на вирусот, особено неговата заразност, неговата способност да ги избегне протеините на имунолошкиот систем и неговата вирулентност
Подваријанта на омикрон, која, според некои истражувања, би можела да биде позаразна од оригиналната варијанта на коронавирусот, е откриена во 57 земји, објави Светската здравствена организација.
Омикрон сојот, кој брзо се шири и мутира, стана доминантна во светот откако за прв пат беше откриен во јужна Африка пред десет недели.
СЗО во својот неделен епидемиолошки билтен објаснува дека овој нов сој, која сочинува 93 отсто од сите примероци на коронавирус собрани во изминатиот месец, има неколку подваријанти: БА.1, БА.1.1, БА.2 и БА.3.
Подваријантите БА.1 и Б.1.1, првите идентификувани верзии, сега сочинуваат повеќе од 96 проценти од омикронските секвенци внесени во глобалната база на податоци ГИСАИД.
Но, забележано е очигледно зголемување на бројот на субваријантни случаи БА.2, кои носат повеќе различни мутации од оригиналната верзија, особено на протеинот шилец на површината на вирусот неопходен за влез во човечките клетки.
-Секвенците означени со БА.2 се внесени во ГИСАИД до денес од 57 земји-посочува СЗО, додавајќи дека во некои земји оваа подваријанта сега опфаќа повеќе од половина од омикронските секвенци.
СЗО соопшти дека досега малку се знаело за разликите меѓу подваријантите и повика на истражување на карактеристиките на вирусот, особено неговата заразност, неговата способност да ги избегне протеините на имунолошкиот систем и неговата вирулентност.
Неколку неодамнешни студии покажаа дека подваријантата БА.2 е позаразна од оригиналниот омикрон сој.
Марија Ван Керхове, една од главните експерти на СЗО за ковид, рече дека сè уште има малку информации за подваријантите, но дека некои првични податоци покажале дека БА.2 има малку зголемена стапка на раст во споредба со БА.1.
Омикрон главно предизвикува поблаги форми на болеста од претходните варијанти на коронавирусот, а Ван Керхове рече дека досега ништо не покажало дека подваријантата БА.2 би била поопасна.
