Управникот на Кралскиот лекарски колеџ, Ендру Годар, изјави дека секој четврти лекар во здравствениот систем на Велика Бртанија или е заразен со коронавирус или е во самоизолација.
Тој рекол дека одделите за интензивна нега во некои болници го достигнале лимитот, пренесува „Гардијан“.
Сепак, тој истакнал дека повеќето лекари кои се во домашна изолација не значи дека се и заразени со коронавирус.
Британската влада се најде на удар на критиката поради недостиг на заштитна опрема на медицинските лица кои ги лекуваат пациентите со коронавирус. Недостасуваат маски, заштита за очите, како и други основни медицински средства.
Според официјалните податоци, 393 лица починале од коронавирус во последните 24 часа во Велика Британија. Ова го означува најлошиот ден во Велика Британија откако започна пандемијата на коронавирус.
Вкупниот број на смртни случаи е 1.801 луѓе. Најмногу жртви има во Англија – 367 , а потоа следува Шкотска, со 13 смртни случаи, седум во Велс и шест во Северна Ирска.
