Во последните 24 часа, во светот се регистрирани повеќе од 870.000 нови случаи на коронавирус, објави Светската здравствена организација.
Бројот на смртни случаи во истиот период се зголемил за 14.600 лица.
Повеќе од 48 проценти од сите нови случаи се регистрирани во Југоисточна Азија и Индија.
Речиси 220.000 луѓе се заразени во Северна и Јужна Америка, а повеќе од 155.000 во Европа, пренесува ТАСС.
Според СЗО, вкупниот број на регистрирани случаи на коронавирус е речиси 151 милиони.
Во Индија вчера беа регистрирани рекордни 400.000 нови случаи на Ковид-19, што е најногу досега за еден ден во светски рамки.
