На Италија и се заканува најтешка рецесија по Втората светска војна, затоа што третата најголема економија во еврозоната оваа година ќе има пад од 8,3 отсто како резултат на кризата предизвикана од коронавирусот.
Во земјата, која беше меѓу првите во Европа којашто беше погодена од епидемијата, во сила беа строги карантински мерки повеќе од два месеци.Националниот институт за статистика предвидува закрепнување од 4,6 отсто следната година, но многумина во земјата стравуваат дека ефектот од мерките за затворање ќе биде уште полош врз економијата од предвиденото.
Италијанската централна банка предвиде пад на бруто домашниот производ (БДП) помеѓу 9,2 и 13,1 отсто, додека Европската комисија предвидува пад од 9,5 отсто. Прогнозата на американската инвестициска банка „Голдман Сакс“ е уште помрачна и предвидува пад на италијанскиот БДП од 14 отсто.
