Германската канцеларка во заминување Ангела Меркел изјави дека најслаб момент во борбата против пандемијата била заштитата на домовите за стари лица минатата зима, кога најмалку 30.000 луѓе починаа од инфекција со коронавирусот.
Меркел во интервју за дневниот весник „Зидојче цајтунг“ изјави дека тоа е фаза која сè уште ја растажува.
– На Божиќ минатата година, кога веќе имавме тестови, напорите на владата траеја премногу долго, додека во домовите за стари лица и домовите за нега биде воведен режим за тестирање со цел да се заштитат штитениците – објасни таа.
Меркел рече дека лично се обидела да помогне во воведувањето тестови во телефонски разговори околу Божиќ.
– И покрај тоа, беше потребно премногу време за да се примени тестирањето. Тоа беше најслабиот момент во борбата против пандемијата – истакна канцеларката.
