Крешимир Мишак повеќе од две децении е синоним за храбро истражување на теми кои мејнстрим науката често ги игнорира. Како автор на повеќе од десет книги и долгогодишен уредник и водител на култната емисија „На рубу знаности“ на ХРТ, неговата активност успеа да создаде заедница на мислители кои не се плашат да го постават прашањето: „Што ако…?“. Овој април доаѓа повторно во Скопје со три предавања кои ќе бидат интерактивни, односно посетителите ќе можат да постават директни прашања.
Петок, 17 април (20 ч.) – Киноверзум Кисела Вода
Што е реално, а што реалност? Првата вечер е посветена на најсуштинското прашање: Во каков свет навистина живееме? Мишак ќе се фокусира на влијанието на дигиталниот свет врз човековата природа и подемот на трансхуманизмот. Дали сè уште имаме слободна волја во ера на алгоритми и фрактални структури? Ова предавање е повик за сите кои сакаат да ја зачуваат својата автентичност во технолошкиот хаос.
Сабота, 18 април (17 ч.) – Лабораториум
Синхроницитет и Плацебо: Ништо не е случајно! Втората станица го истражува феноменот на синхроницитетот – појава дефинирана од Карл Густав Јунг како „значајна коинциденција“. Мишак ќе дебатира за тоа како природата и човечката психа се меѓусебно поврзани на начини кои ја надминуваат класичната логика на причина и последица. Дали случајностите се само лошо прочитани знаци или клучни пораки од универзумот?
Недела, 19 април (17 ч.) – Јавна соба
Темната страна на Месечината Викендот завршува со енигмата на нашиот најблизок небесен сосед. Колку е Месечината навистина „природна“? Мишак ќе ги презентира интригантните теории за нејзиното потекло, совршените астрономски размери и древните записи кои сугерираат дека Месечината можеби не била отсекогаш таму. Вечер посветена на аномалиите, шупливите сфери и заборавената историја на човештвото.
Информации за влезници и резервации: влезниците се достапни во предпродажба на tix.mk.
Покрај предавањата, посетителите ќе имаат можност да набават и дел од неговите дела. За резервации на книги и дополнителни информации, заинтересираните можат да се обратат на: [email protected].
Не пропуштајте ја приликата да го погледнете светот низ поинаква димензија. Се гледаме на работ на знаењето!
Медиумски покровител на настаните е првиот дневен весник во Република Македонија, „Нова Македонија“. Настаните се организирани од неформалниот културно уметнички колектив „Аристон“ и поддржани од А888 Маркетинг, Меѓународниот Славјански Универзитет, Virtualno360.hr и Голден Сани Инвест.
