Меѓу првите 10 највредни светски брендови на листата „Бренд фајненс глобал 500“ се: „Епл“, „Мајкрософт“, „Гугл“, „Амазон“, „Самсунг“, „Тикток“, „Фејсбук“. „Епл“ е највредниот бренд во светот втора година по ред, а неговата вредност е зголемена за 11 отсто минатата година и сега изнесува 547,5 милијарди долари. Второто место на листата на највредни брендови, со вкупна вредност од 461,1 милијарда долари, годинава повторно го зазеде „Мајкрософт“, кој оствари раст од 35 отсто. На третото место на листата се најде „Гугл“, кој оствари вредност од 413 милијарди долари, со раст од 24 отсто. Четврти е „Амазон“, со раст од 15 отсто и вкупна вредност од 356,4 милијарди долари.
Од најголемите светски технолошки компании, првите 10 највредни брендови ги вклучија: „Самсунг“ (вредност: 110,6 милијарди долари), „Тикток“ (105,8 милијарди долари), „Фејсбук“ (91,5 милијарда долари). Највреден европски бренд на листата е „Дојче телеком“, кој се најде на 11-то место во вкупната вредност, со вредност од 85,3 милијарди долари, што е за 16 отсто повеќе од пред една година. Сите 500 највредни брендови на листата се збирно 10 отсто повредни од пред една година, а нивната вкупна вредност е 9,5 трилиони долари.
