Алкохолните пијалаци се богати со шеќери и затоа не се добредојдени на менито за диети, но, сепак, може да се направат одредени компромиси. Иако повеќето диети забрануваат алкохол, постојат пијалаци што не се толку штетни за губење на килограмите, односно и меѓу алкохолот можеме да го избереме најдоброто и одвреме-навреме да наздравиме.
Ако сакате да пиете жестоки пијалоци, избегнувајте да ги мешате со сокови и добро сте направиле за вашата диета. Имено, кратките пијалаци како вотка, виски, вотка, џин и текила имаат околу 97 калории по порција, што не е многу.
Проблемот се коктелите, кои се полни со шеќер. Затоа, додека сте на диета, изберете жестоко и чисто. Избегнувајте сè што изгледа пенливо и во необични бои. Алкохолот за време на диетата се пие евентуално со две коцки мраз.
Ако сте љубител на виното, имаме добри вести. Иако не е нискокалорична намирница, црвеното вино има и други придобивки. Пиењето од една до две чаши вино во текот на неделата му носи добро на нашиот микробиом, што помага да се намали лошиот холестерол и да се зајакне имунитетот, а и да се заштитат крвните садови и срцето.
Виното е богато со антиоксиданти, меѓу кои еден од најсилните од нив е ресвератрол, а антиоксидантите ги штитат клетките од слободни радикали. Но виното треба умерено да се консумира, затоа што чаша црвено вино има околу 125 калории.
Ако сте љубител на пивото, ќе мора кон диетата да додадете неколку километри трчање или на некој друг начин да ја зголемите вашата рекреација ако сакате да уживате во него.
Имено, една лименка пиво содржи околу 153 калории. Темните пива се богати со флавоноиди, но тие се и покалорични од светлите.
Земете си оддишка и уживајте во неколку пијалоци и добро друштво, но запрете навреме и вашето тело ќе ви биде благодарно. Не само во однос на исхраната туку и во однос на здравјето.
