Високите температури што се искачуваат до 40 Целзиусови степени и погоре отсега во Јапонија ќе се нарекуваат „сурова жештина“ или „кокушу-би“, соопшти метеоролошката агенција, бидејќи деновите со топлотен бран стануваат сè почести таму.
Со користење на оваа ознака, Јапонската метеоролошка агенција (JMA) „поефикасно ќе повикува на екстремно претпазливост при високи температури“. Минатата година, Јапонија го доживеа своето најжешко лето откако беа воведени споредливи мерења во 1989 година.
За да се создаде новата категорија, JMA спроведе анкета меѓу населението и доби одговори од 478.000 луѓе, а потоа го усвои терминот „сурова жештина“, кој беше оценет како најпопуларен. Меѓу попопуларните предлози беа „ден за сауна“, „ден за останување дома“ и „ден за вриење“, соопшти JMA.
