Од монарси што владеат до млади принцези, членовите на кралските семејства во светот веќе долго време го користат својот стил на облекување за да зборува наместо нив на глобалната сцена. Од Велика Британија до Холандија, од Јордан до Јапонија, новата генерација млади благороднички се облекуваат специјално за секоја пригода. Модното списание „Вог“ ги претстави младите членови на кралското семејство за кои треба да знаете.
Принцезата Леонор од Шпанија: Кога Леонор, принцезата од Астурија, ќе седне на престолот наследувајќи го нејзиниот татко, кралот Фелипе Шести, таа ќе биде првата шпанска кралица што ќе владее по повеќе од 200 години. И додека да ја наследи круната на својот татко, принцезата Леонор веќе ја наследи својата мајка, кралицата Летиција, во едноставноста на нејзиниот стил, нудејќи навестување за похрабри избори.
Принцезата Александра од Хановер: Според потеклото, 21-годишната принцеза Александра се поврзува со кралското семејство и преку нејзиниот татко, принцот Ернст Август од Хановер, и преку нејзината мајка, принцезата Каролина од Монако. Младата принцеза брзо ги следи стапките на својата мајка и баба, наклонетоста на Грејс Кели за висока мода, а станува редовна и на најблескавите модни ревии.
Принцезата Елизабета од Белгија: Деветнаесетгодишната наследничка најверојатно еден ден ќе го наследи својот татко, кралот Филип, и ќе стане кралица на Белгија. Стилот на принцезата Елизабета може да се спореди со оној на војвотката од Кембриџ: таа редовно носи женствени дизајни од белгиски дизајнери, како и капути со појас за формални настани, со суптилен накит и соодветни додатоци за да го дополнат нејзиниот изглед.
Леди Луиз Виндзор: Најмладата внука на кралицата, леди Луиз, започна да прифаќа повозрасен пристап кон кралскиот стил на облекување, сигнализирајќи ново чувство на смиреност и доверба. Од сандали на потпетици и убави цветни фустани, кои се во совршен склад со гардеробата на нејзината мајка, грофицата од Весекс, до остри скроени палта и сѐ поголема колекција на шапки, што ѝ прилега на нејзината лоза Виндзор.
Принцезата Иман Бинт Абдула од Јордан: Најстарата ќерка и второ дете на кралот Абдула Втори и кралицата Ранија од Јордан, 24-годишната принцеза Иман, во моментов е студентка на универзитетот „Џорџтаун“ во Вашингтон. Додека официјалните кралски должности бараат таа да носи елегантни фустани од познати дизајнери, Иман исто така го прифаќа студентскиот живот, менувајќи ги потпетиците и кардиганите со полежерни маици, фармерки и патики.
Принцезата Марија-Олимпија од Грција и Данска: Најстарата ќерка на принцот Павлос, престолонаследник на Грција, и неговата сопруга Мари-Шантал, брзо стана модна икона откако присуствуваше на нејзината прва модна недела во 2014 година. Таа прошета и по модната писта на ревија на Долче и Габана и може да се пофали со над 200 илјади следбеници на Инстаграм.
Јапонската принцеза Аико: Деветнаесетгодишната единствена ќерка и дете на царот Нарухито и царицата Масако, Аико, принцезата Тоши, моментално студира на Универзитетот во Токио, но нејзиниот стил е порепрезентативен за нејзиниот кралски чин отколку за младите што доминираат во градот. Кога присуствува на настани со преостанатото царско семејство на Јапонија, таа се определува за скромни парчиња, вклучувајќи и формални фустани со ракави со панделки на половината или пеплум-кошули со јаки.
Принцезата Катарина-Амалија од Оринџ: Катарина-Амалија, принцезата од Оринџ, е наследничка на престолот на Кралството Холандија, како најстара ќерка на кралот Вилем-Александар од Холандија и кралицата Максима. Таа веќе покажува одлучен пристап кон кралското облекување. Од нејзиниот најнов семеен портрет, за кој носеше жолт фустан на Зимермен, до фустаните на „Сандро“, кои таа редовно ги носи, со елегантни сандали „џанвито роси“, 17-годишната девојка го совлада стилот смарт-кежуал.
