Најмалку 44 лица се повредени, од кои една жена потешко, откако регионален воз со околу 180 патници синоќа излетал од шините во северозападна Франција.
Несреќата се случила на релацијата Руан–Кан, околу 19.30 часот по локално време. Според БФМТВ, повикувајќи се на локалните власти, возот удрил во сè уште неидентификуван предмет, по што еден вагон се превртел, а уште четири вагони излетале од шините.
Инцидентот предизвикал голема спасувачка и итна интервенција. Францускиот министер за транспорт, Филип Табаро, првично соопштил дека во несреќата биле повредени околу 20 лица, пренесе ДПА.
Бројот на повредените подоцна бил зголемен на 44, при што една жена се здобила со потешки повреди.
