Американскиот министер за одбрана Лојд Остин изјави дека Украина наскоро ќе добие тенкови „М1 Абрамс“ додека украинските сили напредуваат во нивната контраофанзива.
– Задоволство ми е да објавам дека тенковите „М1 Абрамс“ на кои претходно беа обврзани САД, наскоро ќе влезат во Украина – рече Остин на отворањето на украинската одбранбена контакт група.
Висок американски воен претставник изјави дека првите тенкови ќе бидат испратени во наредните денови и процесот ќе биде завршен за неколку недели.
На почетокот на годината Вашингтон му вети на Киев 31 тенк, дел од пакетот безбедносна помош во вредност од над 43 милијарди долари.
Се очекува тенковите да бидат опремени со контроверзните оклопни проектили од 120 милиметри со осиромашен ураниум.
