Лидерите од Г-7 по разговорите за Украина со претседателот Володимир Зеленски изјавија дека ќе го сметаат рускиот лидер Владимир Путин одговорен за неодамнешните воздушни напади врз градовите, вклучително и Киев.
– Најостро ги осудуваме овие напади и потсетуваме дека неселективните напади врз невиното цивилно население претставуваат воено злосторство“, се вели во соопштението на Г-7.
– Ќе бараме одговорност од претседателот Путин и од оние кои се одговорни за нападите – додаваат лидерите на Г-7 во соопштението.
Седумте најразвиени економии во светот (Г-7) се обврзаа во заедничка декларација да и пружат помош на Украина онолку колку што е потребно.
– Ќе продолжиме да даваме финансиска, хуманитарна, воена, дипломатска и правна помош на Украина и ќе останеме цврсто на страната на Украина се додека тоа е потребно – се вели во заедничката декларација од денешната средба на лидерите на земјите од Г-7 – се вели во соопштението.
– Го уверивме претседателот Зеленски дека сме цврсти и непоколебливи во нашата посветеност да обезбедиме поддршка што и е потребна на Украина за заштита на нејзиниот суверенитет и територијален интегритет – стои во соопштението.
