Светските резерви на нуклеарно оружје и натаму се многу големи, и покрај значителното намалување од крајот на Студената војна, со тоа што девет земји поседуваат приближно 12.700 боеви глави
Околу 90 отсто од сите нуклеарни боеви глави се во сопственост на Русија и на САД (по околу 4.000 боеви глави во секоја земја), при што другите нуклеарни држави не располагаат со повеќе од неколку стотици нуклеарни оружја.
Вкупните резерви се намалени од екот на Студената војна во 1986 година, кога колективно имаше складирано неверојатни 70.374 нуклеарни боеви глави. Сепак, од доцните 1990-ти, стапката на опаѓање се забавува, при што некои земји, како Русија на пример, почнаа повторно да ги зголемуваат. Таа сега располага со околу 4.477 нуклеарни боеви глави, во споредба со 3.708 боеви глави на САД.
Од 12.700 нуклеарни боеви глави во светот, повеќе од 9.400 се во воени резерви подготвени за употреба во проектили, авиони, бродови и подморници. Преостанатите боеви глави се повлечени, но сè уште се релативно недопрени и чекаат демонтирање.
Од складираните 9.440 боеви глави, приближно 3.730 се распоредени со оперативни сили (во бази на проектили или бомбардери), од кои 2.000 се во состојба на готовност, подготвени за употреба веднаш.
Забелешка: Сите бројки се процени направени од Федерацијата на американски научници.
