Израел и Хезболах постигнаа договор за прекин на огнот, кој стапи во сила денеска во 16 часот по локално време (15 часот по средноевропско време), по посредство на САД и Катар и со поддршка од Иран, пренесе „Ројтерс“.
Договорот доаѓа по нова ескалација на судирите во јужен Либан, каде што во изминатите часови беа регистрирани жестоки напади и човечки жртви.
Според либанската Национална новинска агенција, во израелските воздушни напади загинале најмалку 18 лица, додека повеќе од 30 се повредени. Од израелска страна, четворица војници загинале за време на воена операција во јужен Либан.
Примирјето е резултат на интензивни дипломатски напори насочени кон спречување на натамошно ширење на конфликтот и стабилизирање на безбедносната состојба во регионот.
