Најмалку 28 лица, повеќето од нив деца, беа повредени денеска во несреќа во забавниот парк Сан Хозе де ла Ринконада во близина на Севиља, соопштија шпанските власти.
Според тамошните медиуми, вртелешката во паркот пукнала и се распарчила на два дела, пренесе агенцијата АП.
„Дејли мејл“ пренесе изјави на очевидци според кои целиот настан потсетувал на сцени од хорор филм откако се распарчил системот за поддршка на вртелешката, по што оние кои биле на неа паднале на земја и биле приклештени од големата метална конструкција.
Општинските служби за итни случаи во Севиља објавија дека девет повредени биле пренесени во локалните болници.
Според градскиот совет на Ла Ринконада, вртелешката како реквизит во забавниот парк претходно минала низ безбедносна инспекција.
Во мометов, локалните власти ја испитуваат причината за дефектот.
