Бјелско-Бјала е град кој се наоѓа на југот на Полска, кој меѓу другото е познат и од производството на некогашниот култен автомобил – Фиат 126п или студиото за цртан филм, чии најпознати претставници беа Болек и Лолек и кучето Рексио. Во 20-от век, Бјелско-Бјала се поврзуваше и со одбојката. Тогаш спортскиот клуб Бјала Подласки ги постигна своите најголеми успеси, освојувајќи, меѓу другото, полски првенства.
Последниве години повторно на големо се зборува за одбојкарите на Бјелско кои по неколку послаби години повторно играат за највисоките лигашки цели. Во последната сезона Бостик Бјелско-Бјала го зазеде четвртото место во лигата, благодарение на што се пласираше во европските купови!
Ова, пак, стана повод за акција во која одбојкарите на Бјелско го промовираат својот град и Полска на меѓународна сцена! За кратко време на социјалните мрежи на клубот се појавија многу објави во кои одбојкарите на Бјелско- Бјала покажуваат интересни места на картата на градот, поттикнувајќи ги луѓето да ги посетат Бјелско-Бјала и Полска.
– Играњето во европските купови е награда за четвртото место во претходната сезона. Тоа е огромен престиж, но носи и многу нови организациски нешта и нови предизвици. Покрај тоа што играме добро на теренот, сакаме да покажеме и во какво интересно место живееме! Вреди да се посети Бјелско-Бјала и целиот регион Бескид, особено ако сакате пешачење во планина, скијање и генерално активна рекреација на отворено – вели претседателката на Бостик Биелско-Бјала – Александра Јагиело.
Мора да се признае дека одбојкарите на Бјелско имаат со што да се гордеат. Градот во кој играат е популарно познат и како Мала Виена (според главниот град на Австрија). Сето тоа благодарение на архитектурата во нео-стил и арт нуво од 19-от и 20-от век.
Меѓу најубавите зданија се: градското собрание, Полскиот театар, железничката станица Бјелско-Биала Гловна, хотелот „Президент“, поранешниот хотел „Под орелот“, Вилата „Роста“, црквата на Божествената Промисла, вилите на сопствениците на фабриките и многу други згради.
Првиот ривал на тимот од Бјелско-Бјала беше унгарски Свителски Бекешчаба. Полскиот тим победи на двата натпревари и во следното коло ќе игра против уште една полска екипа – Хемик полис. Победникот од оваа двојка веројатно ќе се соочи со италијанскиот клуб Кјери.
Комерцијална објава
