Храната што вашето куче секојдневно ја консумира е исклучително важна за неговото здравје. Кога станува збор за хранење на кучињата, постојат многу извори на информации и мислења за тоа што е најдобро за нив. Прво и најважно, лошата храна не мора да значи дека ќе биде смртоносна за кучето, но симптомите може да варираат од непријатност до труење.
Храна за луѓе што кучињата треба да ја избегнуваат: чоколадото содржи состојка теобромин, што доведува до аритмии и исто така може да предизвика срцева слабост. Ксилитол е вештачки засладувач. Доволна е многу мала доза за да предизвика откажување на црниот дроб. Грозјето исто така треба да се избегнува, бидејќи предизвикува бубрежна слабост и смрт.
Треба да бидете свесни за последиците, кои можат да се движат од сериозни гастроинтестинални нарушувања, како дијареја и повраќање, до смрт. Не го хранете со мрсни делови од месо, пржена храна, сладолед или путер. Оваа храна може да влијае на панкреасот. Може да се нарушат дигестивниот систем и другите органи, како што се црниот дроб, желудникот и тенкото црево, што почнува со повраќање и доведува до дијареја. Малите раси кои се многу подложни на панкреатитис може да умрат.
Грчкиот јогурт содржи многу пробиотици и е здрав за кучињата. Меѓутоа, ако имаат проблеми со производи од лактоза, тоа може да им ја наруши работата на желудникот.
Суровиот компир има штетни токсини, како соланин и чаконин. Соланинот е инхибитор на холинестеразата, што спречува разградување на ацетилхолинот, кој е невротрансмитер. Чаконинот ги иритира гастроинтестиналниот тракт и нервниот систем. Може да се појават невролошки проблеми, проблеми со бубрезите, гадење, дијареја и повраќање. Се разбира, големината на кучето и количеството што го јаде се голем фактор.
Од друга страна, варениот компир содржи витамини и минерали што се добри за кучето. Варената кора од компир е одличен извор на влакна, а самиот компир има скроб, што е извор на енергија.
