Нега и убавина
Торбите за на плажа отсекогаш биле инспирација за дизајнерите. Нивната функција е пред сѐ практична, но со текот на времето станаа неопходен моден детаљ. Впрочем, тоа го потврдуваат и најпопуларните модни парчиња оваа сезона.
Ова лето торбата за на плажа ги испровоцира дизајнерите, играјќи си со природните материјали, да создадат можност жените од различни генерации со овој моден додаток да го акцентираат сопствениот стил.
Се добива впечаток дека ова лето торбите се многу декоративни, а тоа е постигнато со спој на разни материјали, необични облици, изненадувачки украси.
Торбата од ваков тип може да се носи цел ден, а не само ако одите на плажа, што дополнително ги поттикна модните куќи доста успешно да го интегрираат лежерното летно облекување. Без сомнение успеаја во тоа.
