Загадувањето на воздухот е најголемата еколошка опасност по човековото здравје што доведува до над шест милиони смртни случаи годишно и економски трошок што е еднаков на над осум илјади милијарди долари. Тоа се наведува во Светскиот извештај за квалитетот на воздухот за 2022 година објавен од швајцарската технолошка компанија за квалитет на воздухот „Ај-кју ер“. Анализата покажа дека од анкетираните 131 земја, регион и територија, само 13 ги исполниле воздушните упатства на Светската здравствена организација (СЗО) за годишни концентрации на ПМ2,5 честици на или под пет милиграми/метар кубен во 2022 година, од кои повеќето биле во Океанија. Инфографикот покажува колку многу варира квалитетот на воздухот на глобално ниво, при што градовите како пакистанскиот Лахоре и индискиот Њу Делхи ги надминаа упатствата на СЗО повеќе од 10 пати. На другиот крај од спектарот лежат градови како Рејкјавик во Исланд и Талин во Естонија, кои се меѓу ретките што ги исполнуваат упатствата.
Загадувањето на воздухот особено тешко влијае на веќе ранливите заедници, при што повеќе од 90 отсто од смртните случаи поврзани со загадувањето се случуваат во земјите со ниски и средни приходи, се вели во извештајот. Африка, како и Централна и Јужна Азија беа застапени со највисоки годишни просечни концентрации на ПМ2,5 честици пресметани по население. Ова ги вклучува дури и огромните разлики во достапноста на податоците меѓу земјите, при што само 19 од 54 африкански земји имале доволно податоци за да бидат употребливи во истражувањето.
„АЈ-кју ер“ ја дефинира концентрацијата на ПM2,5 честиците како количество фини честички аеросоли со дијаметар до 2,5 микрони. Тие се едни од шесте главни загадувачи на воздухот што вообичаено се користат во класификацијата на квалитетот на воздухот и нашироко се сметаат за најштетни, во однос на распространетоста во животната средина и влијанијата што ги имаат врз здравјето. Последново вклучува предизвикување и отежнувачки здравствени состојби како што се астма, рак, белодробни заболувања, срцеви заболувања и предвремена смртност.
