Антиупатства за лична употреба
Наместо интервју
Иако меѓусебно поврзани, процесирани, можам доста јасно да разликувам три фази во сопственото книжевно творештво, кои, пак, се видливи и од пошироката глетка на креативните предизвици на Прокопиев во тие три периоди од неговиот живот:
Прва фаза – експерименти, ризици, устреми и казни, импулсивни, полемички, истрчувачки манифестни проекти, рокенрол, УСТА, Петтиот круг… започнување со антиупатствата, три збирки куса проза, меѓусебно тонски слични, иако различни по вибрации…
Втора фаза – (ре)конструкти на животните препознавања, слоеви, заинтересираност за сродните искуства, ослушувања, преоценувања, СУМ, алтернативна сценска дружина Ситуакција, докторат, книгите се преведуваат… насочена раскажувачка самосвест = од Слово за Змијата (раскази), Дали Калимах беше постмодернист? (есеи), Слика тркало (хаику), Таа го сака Чехов (подолга проза)…
Трета фаза – разиграна, опуштена љубопитност, спокоен немир, наградата Балканика, менторства, соработки, анимиран филм, Саман, алманаси, џезирани шансони, непознат, познат свет… номадски перспективи низ Ѕиркачот, Човечулецот, Делфинот, Портретите…
