Сите знаеме дека денот кога ќе се префрлиме на летно сметање на времето е еден од најнепријатните денови во пролетната сезона. Губење еден час сон прекуноќ – што може да биде полошо? Еве, што би се случило доколку повеќе нема летно сметање на времето и вообичаените причини поради кои луѓето сакаат засекогаш да се ослободат од оваа практика
Пролетта не е единствената промена на која ѝ се радуваме во март – тука е и летното сметање на времето. Со години, повеќе од 70 земји имаат традиција на летно сметање на времето, придвижувајќи ги часовниците напред во март и назад во ноември. Но, дали некогаш сте се запрашале – што ќе се случи доколку повеќе нема летно сметање на времето и тоа исчезне засекогаш?
Биохемичарката Ана Персауд и Лиз Браун, основачка на „Слипинг луцид“, објаснуваат за „Ридерс дигест“ каков би бил животот без овој феномен. Плус, имајќи предвид дека некои места веќе целосно ја прескокнуваат промената на времето, тоа отвора уште поголемо прашање – дали завршува летното сметање на времето? Освен тоа, дали летното сметање на времето сè уште е практика што вреди да се задржи? Според нивните анализи, дури и едночасовното несовпаѓање на летното сметање на времето може негативно да влијае на физиолошките процеси, што доведува до нарушувачки симптоми како што се лош сон и намалено когнитивно функционирање.
Сите знаеме дека денот кога ќе се префрлиме на летно сметање на времето е еден од најнепријатните денови во пролетната сезона. Губење еден час сон прекуноќ – што може да биде полошо? Еве што би се случило доколку повеќе нема летно сметање на времето и вообичаените причини поради кои луѓето сакаат засекогаш да се ослободат од оваа практика.
Подобро спиење
Без разлика дали го менувате часовникот напред или назад, тоа може да има негативно влијание врз деноноќниот ритам на една личност. На вашето тело може да му требаат од пет до седум дена за да се приспособи на новиот временски распоред, известува Американската академија за медицина на спиењето, а нарушувањето на спиењето може да доведе до уште поголеми здравствени проблеми.
Намален ризик од проблеми со срцето
Истражувањето покажа дека пролетните промени на летното сметање на времето се поврзани со 24 отсто зголемување на случаите на акутен миокарден инфаркт. Иако истражувањето не покажа зошто би можело да биде тоа, оние што доживеале зголемен ризик генерално биле луѓе што веќе биле предиспонирани да искусат срцеви проблеми. Сепак, истражувањата покажуваат и дека срцевите удари се намалуваат за 21 отсто во неделата што завршува наесен.
Намален ризик од мозочен удар
Слично на тоа, студијата открила зголемување на хоспитализираните мозочни удари во двата дена по пролетното менување на времето, при што вкупната стапка на исхемичен мозочен удар е за осум проценти повисока во тие денови отколку во кое било друго време од годината. Американската академија за неврологија шпекулира дека тоа може да се должи на нарушувања во деноноќниот ритам.
Намалени трошоци
„Главниот недостаток што доаѓа со феноменот на летното сметање на времето е тоа што е многу скапо за компаниите, бидејќи работното време и работењето мора да се приспособуваат секоја пролет“, вели Браун.
Всушност, експертите проценуваат дека двегодишната промена на времето ги чини САД околу 430 милиони долари секоја година.
Помалку сообраќајни несреќи
Промената на часовникот се поврзува и со зголемување на сообраќајните несреќи со фатални последици, особено во понеделник по пролетната смена.
Пониски стапки на криминал
Друго размислување што треба да се има на ум со летното сметање на времето е како тоа влијае на нивото на криминал. Истражувањето покажа дека со продолжување на вечерните часови на дневна светлина, како што тоа го правиме во пролетта, стапката на криминал всушност се намалува, при што грабежите се намалени за седум проценти во споредба со претходниот ден, а вкупниот криминал е намален за 27 проценти во дополнителните вечерни часови на сончева светлина зголемен тој ден.
M. Влаисављевиќ
(Политика)
