Прашањето за Тајван се однесува на суверенитетот и територијалниот интегритет на Кина. Се надеваме дека европската страна, исто така, ќе ги почитува основните интереси на Кина со практични активности и искрено ќе се придржува до принципот „една Кина“
Су Леи, вршител на должноста амбасадор на НР Кина во Македонија
Годинава се одбележуваат 50-годишнината од воспоставувањето дипломатски односи меѓу Кина и ЕУ и 80-годишнината од основањето на Обединетите нации. На 24 јули, претседателот на Европскиот совет, Кошта, и претседателката на Европската комисија, Фон дер Лајен, ќе ја посетат Кина. Кинескиот претседател Си Џинпинг ќе се сретне со претседателот Кошта и со претседателката Фон дер Лајен, а премиерот Ли Чијанг ќе биде копретседавач со 25-от состанок на лидерите на Кина и ЕУ со двајцата претседатели на Европската Унија. Важниот состанок во овој критичен момент привлекува широко внимание од меѓународната заедница.
Односите меѓу Кина и ЕУ се едни од највлијателните билатерални односи во светот. Како две главни сили што ја промовираат мултиполаризацијата, два главни пазарa што ја поддржуваат глобализацијата и две големи цивилизации што се залагаат за диверзитет, односите меѓу Кина и ЕУ постигнаа заеднички успех, придонесуваат за светот и постигнаа извонредни резултати во соработката во изминатите 50 години.
Кина отсекогаш инсистирала на меѓусебно почитување. Односите меѓу Кина и ЕУ ги искусија променливостите на меѓународната ситуација и продолжија да созреваат и да се стабилизираат. Без разлика дали е во добри или во лоши времиња, политиката на Кина кон Европа одржува стабилност и континуитет, Кина секогаш ги поддржува европската интеграција и стратешката автономија на Европската Унија и е среќна што гледа силна, просперитетна и стабилна Европа, и ја поддржува Европа да игра поголема улога на меѓународната сцена. Прашањето за Тајван се однесува на суверенитетот и територијалниот интегритет на Кина. Се надеваме дека европската страна, исто така, ќе ги почитува основните интереси на Кина со практични активности и искрено ќе се придржува до принципот „една Кина“.
Кина отсекогаш се придржувала кон заемната корист и соработката од која сите добиваат. Прагматичната соработка Кина-ЕУ донесе опипливи придобивки за народите на Кина и Европа. Годишниот обем на трговија меѓу двете страни се зголеми од 2,4 милијарди американски долари на 785,8 милијарди американски долари, а обемот на меѓусебни инвестиции се зголеми од речиси нула на речиси 260 милијарди американски долари. Од воспоставувањето на механизмот за соработка Кина-Земјите од Централна и Источна Европа во 2012 година, кинеските компании покажаа силна подготвеност да инвестираат во Централна и Источна Европа во широк спектар на области. Кина продолжува да го проширува своето отворање на високо ниво кон надворешниот свет, а сè повеќе висoкоквалитетни производи од Кина и Европа влегуваат на меѓусебните пазари. Од јуни оваа година, кумулативниот број возови на релацијата Кина-Европа надмина 110.000, станувајќи важен логистички канал што ги поврзува Кина и Европа.
Кина отсекогаш се придржувала кон рамноправен дијалог, а културните размени Кина-ЕУ промовираат размени и меѓусебно учење меѓу различните цивилизации. Европските земји како Франција и Германија основаа културни центри во Кина, а Кина основа институции како што се институтите „Конфуциј“ во европските земји, кои сè повеќе стануваат важни платформи за културни размени меѓу Кина и ЕУ. Отворањето курсеви по македонски јазик на кинеските универзитети и институтот „Конфуциј“ на УКИМ стануваат сè попопуларни меѓу луѓето во Северна Македонија, што е исто така пример. Во моментов, Кина спроведе еднострана политика за безвизен режим за 32 европски земји, вклучувајќи ја и Северна Македонија. Минатата година, билатералните размени на персонал меѓу Кина и Европа надминаа 9,7 милиони.
Кина отсекогаш се придржувала кон мултилатерализмот, а тесната соработка меѓу Кина и Европа даде важен придонес во промовирањето на реформата на системот за глобално управување. Кина е една од основачките членки на Обединетите нации и првата земја што ја потпиша Повелбата на ОН. Заедно со важните членки на Светската антифашистичка алијанса, таа го отвори прелудиумот кон меѓународниот систем со Обединетите нации во неговото јадро. Кина и Европа се цврсти во практикувањето на мултилатерализмот, цврсто поддржувајќи го статусот на Обединетите нации и двете веруваат дека меѓународните спорови треба да се решаваат преку мирни средства. Кина и Европа инсистираат „зелената“ да биде најкарактеристичната заднина на соработката меѓу Кина и Европа и работат заедно за справување со глобалните предизвици како што се климатските промени.
Веќе некое време, некои луѓе во Европа континуирано го зајакнуваат „тројното позиционирање“ на Кина, еднострано ги преувеличуваат специфичните економски и трговски прашања и неразумно ја обвинуваат Кина за украинското прашање, предизвикувајќи непотребно мешање во односите меѓу Кина и Европа. Европа во моментов се соочува со разни предизвици, но ниту еден од нив во минатото, сегашноста или иднината не доаѓа од Кина. Се надеваме дека европската страна објективно и сеопфатно ќе ја разгледа прагматичната соработка меѓу двете страни, правилно ќе ги реши разликите преку дијалог и консултации и ќе избегне проширување на специфични прашања.
Како што истакна кинескиот претседател Си Џинпинг, односите меѓу Кина и ЕУ се поврзани со просперитетот на евроазискиот континент и стабилноста на светскиот модел, и двете страни треба заеднички да ги одржуваат и да ги развиваат. Дваесет и петтиот самит меѓу Кина и ЕУ е пред одржување, а односите меѓу Кина и ЕУ се во важен момент на наследување на минатото и отворање кон иднината. Кина очекува ЕУ да соработува со Кина за да ги разгледа односите меѓу Кина и ЕУ од сеопфатна, дијалектичка и развојна перспектива, заеднички да ги планира следните 50 години соработка и да работи заедно за да создаде подобра иднина за сеопфатното стратешко партнерство меѓу Кина и ЕУ.
