Какви информации може да дава безбедњакот Самараковски или како се викаше? Меѓу другото и траекторија на движење (како што кажа еден експерт по безбедност на телевизија). Значи? Кому му се потребни тие?
Ова е само мал извод од „малата црна тетратка“ (Хајдегер). Големите водачи веруваат дека се многу сакани и живеат во светот на љубовта или џенетот. Ама не е така. Умниот стрит-мангуп се пази од пријателите и улизувачите, можеби оти и самиот бил таков. Учениот не знае дека ножот е во близина. Не смеам да им држам лекции на професионалците како аналфабет за безбедност, но мојата старечка интуиција ми вели дека ова е абортиран обид за атентат. Какви информации може да дава безбедњакот Самараковски или како се викаше? Меѓу другото и траекторија на движење (како што кажа еден експерт по безбедност на телевизија). Значи? Кому му се потребни тие? Сетете се на претседателот Кенеди (траекторија на движење), па и Хајдрих или Гаврило Принцип, Кралот Александар (во Париз), премиерот Рабин, дури и кај Тито неколку обиди, па претседателот Киро Глигоров…
Ќе искористам и можност само за мала блиц-критика на гарнитурата со порака „да ги мрдне“ земјоделството, медицината, банкарството и да го пронајде министерот за правда, кој велат пропаднал во некоја косовска шахта. А на младиот премиер му пожелувам да се причува себеси, а со тоа и нас, од црноангелскиот змијарник, кој прави лице, а е мегаприсутен наоколу. Се гледаме на изборите
Друга можност е информација важна за наркомафијата, маестрално организирана кај нас (најголема смртност на млади кај нас има од дрогата). Мозокот на убиецот најчесто е кај најблискиот – зар не „брате Искариот“ – зар не сине Бруте? Дежа ви! Жал ми е многу за младиот инженер, неговите колеги велат дека бил добар математичар, а ние ситните рипчиња имаме очекувања и надеж (сетете се на прочуениот состав „Expectations“) – ние измлатените војници Самуилови, Гоцеви и партизански, испарталени од секакви олоши и наркокоцкари по кабинетите и ходниците на моќта во последните 30 години. Иницијалните чекори на „дечкото инженер“ му даваат некоја надеж и малку кислород на морибундниот пациент – ние граѓаните.
Ќе искористам и можност само за мала блиц-критика на гарнитурата со порака „да ги мрдне“ земјоделството, медицината, банкарството и да го пронајде министерот за правда, кој велат пропаднал во некоја косовска шахта. А на младиот премиер му пожелувам да се причува себеси, а со тоа и нас, од црноангелскиот змијарник, кој прави лице, а е мегаприсутен наоколу. Се гледаме на изборите.
Професор д-р Самуел Колономос Садикарио
