Бугарски национален интерес е Македонија да се приклучи кон Европската Унија, пат на кој следен чекор е почеток на преговорите со Скопје, истакна бугарскиот министер за иновации Даниел Лорер за БНР, додавајќи дека отворањето на преговорите со Македонија треба да биде важна цел за бугарската дипломатија.
– Со еден продолжен и позитивен дијалог со македонската страна, ќе бидат постигнати условите за врските меѓу двете држави, не само историски, туку и економски, академски, како и културни. Тоа треба да се случи за секоја од двете страни да се почуствува далеку посигурна во тој дијалог – порача Лорер.
Тој нагласил дека бугарски национален интерес е и Бугарија да се претвори во исклучително богата и социјално праведна држава, која е опколена со исти такви соседи, посочувајќи дека дека за соседите на Бугарија патот кон богатството и социјалната правда минува низ членството во ЕУ.
