Фотографијата Овче Поле – македонската позадина на Windows на авторот Марко Џамбазоски е овонеделниот избор на „Нова Македонија“ за фотографија на неделата.
– Кога бев дете, ја гледав легендарната фотографија на Windows со очи полни желба — посакував еден ден да стојам токму таму и да се изгубам во бескрајното зеленило. Никогаш не помислив дека еден ден тој пејзаж ќе го пронајдам токму овде – истиот рид, боја и небо, но овој пат придружени од звуците на ветерот, мирисот на пролетта и топлината на сонцето. Тоа што го бараме не секогаш е некаде далеку. Честопати магијата се крие на местата што ги одминуваме без да погледнеме наоколу. Сѐ што треба е да застанеме, да ги отвориме очите и да ја доживееме убавината околу нас – вели авторот во описот на фотографијата.
Фотографијата утре ќе биде отпечатена на цела страница во печатеното издание на „Нова Македонија“.
„Нова Македонија“ секоја недела избира фотографија на неделата 
Фотографијата секој вторник, на цела страница, ќе се објавува во печатеното издание и на веб-страницата на „Нова Македонија“.
Вашите авторски фотографии може да ги испраќате на [email protected]
Насловот на мејлот треба да биде ЗА ФОТОГРАФИЈА НА НЕДЕЛАТА.
Фотографијата треба да е со димензии 2.000 x 3.000 пиксели (ориентација портрет) и тешка до 3 мегабајти.
Во мејлот треба да напишете име и презиме, наслов на фотографијата и краток опис, кои ќе бидат објавени заедно со фотографијата.
Во мејлот треба да наведете и дека сте согласни да се објави фотографијата, доколку биде избрана.
