Во Центарот за јавно здравје во Битола денеска соопштија дека потврдени се шест случаи на новозаразени со ковид-19. Од нив пет лица се од Битола, а едно од Демир Хисар.
Според ЈЗУ Центар за јавно здравје – Битола, кој го покрива регионот (Кичево, Ресен и Демир Хисар) земени се материјали за испитување (брисеви) од вкупно 208 лица.
Кај 170 лица земени се по епидемиолошки индикации (лица кои што ја исполнуваат дефиницијата на случај, здравствени работници на кои им истекува здравствениот надзор за ковид-19 и др.), а кај 38 лица материјалите се со упатување од матичен лекар преку системот „Мој термин“. Од вкупниот број на земени брисеви, 172 се за лица со место на живеење во Битола, а 36 од Кичево, Ресен и Демир Хисар.
Позитивни резултати за ковид-19 се добиени за 15 лица и тоа 14 се од Битола и едно од Демир Хисар. Станува збор за лица на возраст од 5 до 85-годишна возраст, 8 лица од женски пол и 7 лица од машки пол. Од вкупниот број потврдени позитивни лица, само две лица се хоспитализирани на Инфективното одделение во Клиничка болница Битола, додека 13 се на домашно лекување, информираат од Центарот за јавно здравје Битола. М.М.
