Министерството за надворешни работи, врз основа на официјалните мерки и препораки, упатува апел до сите државјани на Македонија кои живеат или престојуваат во земјите со висок и среден ризик да го одложат доаѓањето во земјава во овој период.
Министерството за надворешни работи продолжува будно да ја следи состојбата со ковид-19 во и вон земјата преку дипломатско конзуларните претставништва и останува во постојана комуникација и координација со останатите релевантни институции во државата.
Министерството за надворешни работи повторно апелира во целост да се почитуваат и следат официјалните владини мерки и препораки.
