Од Центарот за јавно здравје Прилеп информираат дека изминатата седмица, во периодот од 9-15 ноември, во општина Прилеп имало 362 нови случаи на коронавирус, додека од последици на коронавирусот, починале 19 лица.
Бројот на активни случаи изнесува 879, од кои 729 лица се наоѓаат на домашно лекување, 91 на болничко, а 59 се лекуваат во дневната болница, а на кислородна поддршка се наоѓаат 52 пациента.
Во домашна изолација и самоизолација се наоѓаат 1.034 лица. Вкупниот број на заразени од ковид-19 во Прилеп изнесува 2.180, додека од почетокот на пандемијата од вирусот починале 98 лица.
Ка.М.
