Состојбата во болниците е стабилна, има доволно простор за прием на сите што бараат болничко лекување, но има сè повеќе пациенти со потешка клиничка слика кои се на интензивна нега, изјави денеска српскиот министер за здравство, Златибор Лончар.
Лончар исто така рече дека размислува за задолжителна вакцинација против ковид-19 и посочи дека ова е предлог на професијата.
– Ние се согласуваме за тоа. Тоа е предлог на професијата и ќе работиме на тоа да се случи и во нашата земја – рече Лончар.
Тој рече дека во претходните неколку дена имало голема потрошувачка на кислород и изјави дека државата покрај тоа што произведува кислород што се извезува во други земји, била принудена да увезува одредена количина кислород на дневно ниво, со цел да задоволи ги сите потреби.
– Засега успеавме да ги обезбедиме сите овие работи за нашите пациенти. Се надеваме дека сите граѓани ќе се придржуваат до мерките и дека поголем број од нив ќе бидат вакцинирани, така што полека ќе можеме да размислуваме за некои други работи – изјави српскиот министер за здравство.
