Русија активно ги зголеми производството и употребата на тестовите за ковид-19 што се спроведуваат во 95 лаборатории во земјата, изјави рускиот премиер Михаил Мишустин, пренесува „Спутник“.
Мишустин додаде дека граѓаните во карантин ќе бидат должни да водат дневник во кој ќе ја запишуваат својата здравствена состојба, а од нив ќе биде побарано и да го потврдат режимот на самоизолација.
Русија пријави 2.777 случаи на ковид-19, како и 24 жртви до вчера. Нацијата наметна строги мерки за да ја контролира епидемијата, вклучително и воведување режим на самоизолација во одредени региони.
Москва и московскиот регион беа првите што им наложија на сите жители да се изолираат, а тие можат да ги напуштат своите домови само за да набават основни работи, да работат или да добијат итна медицинска помош.
Неколку други руски региони последователно воведоа слични мерки.
