93 лица починаа денеска во Холандија како резултат на коронавирусот, со што вкупниот број на починати достигна 639 лица, пришто се потврдени дополнителни 1.159 случаи, пренесува „Ројтерс“.
Сепак, обете бројки укажуваат на помал пораст од претходниот ден, пренесува Ројтерс.
– Доколку продолжи оваа линија, ќе може да се заклучи за неколку дена дали мерките за социјална оддалеченост се ефикасни – велат од холандскиот Национален институт за здравство.
Во Холандија, досега потврдени се вкупно 9.762 случаи на вирусот.
Бројот на починати од ковид-19 во Швајцарија се зголеми на 235 лица, во споредба со 197 смртни случаи пријавени во петокот, соопшти Министерството за здравство на земјата.
Бројот на потврдени случаи на коронавирус во Швајцарија, истотака, се зголеми од 12.161 на 13.223.
