Лекарите во Мадрид повторно протестираат поради недостиг на медицински персонал, ниски плати и голем прилив на пациенти за време на пандемијата на новиот коронавирус.
Ова е 15-ти пат во една година лекарите да протестираат, а денес се собраа пред зградата на Министерството за здравство.
Марија Јустиција Лопез, лекар по семејна медицина, изјави дека политичарите веќе долго време ги оставаат на своите судбини да се борат сами, пренесува за „Анадолија“.
– Инвестициите во овој сектор се мали, имаме сериозен недостиг на персонал, поради пандемијата се соочуваме со голем прилив на пациенти и напор што повеќе не можеме да го толерираме – рече Лопез.
Изјавувајќи дека дефицитите во здравствениот сектор целосно излегоа на виделина со Ковид-19, таа истакна дека голем број нејзини колеги биле болни или починале.
– Не се вработуваат нови лекари. Немаме друга опција освен да протестираме, за да можат политичарите да нè слушнат – рече Лопез.
Според неа, таа ќе протестира секој вторник до 4 мај, кога се планирани парламентарни избори.
Во Шпанија, досега 3.311.325 лица биле тестирани на коронавирус, а 75.783 починале како резултат на инфекцијата.
