Во Велика Британија се забележани уште 204 смртни случаи од коронавирус, со што вкупниот број на починати се зголеми на 40.465.
Министерството за здравство соопшти дека позитивни на вирусот се уште 1.557 лица, пренесе Би-би-си. Со тоа, вкупниот број на заразени достигна 284.868, покажуваат официјалните податоци.
Британија е на второто место според бројот на жртвите од вирусот во светот, после САД, кои, според податоците од сајтот Ворлдометерс, имаат 111.408 починати.
Водечките британски лекари и научници го повикаа вчера премиерот Борис Џонсон да нареди подготовка на земјата за втор бран на коронавирусот оваа зима, предупредувајќи дека уште многу луѓе ќе починат ако Британија не го подобри својот одговор на ковид-19.
