Најмалку 2.253.813 лица починале во светот од коронавирусот. Над 103.827.020 заболеле, а најмалку 63.195.000 оздравеле, покажуваат најновите податоци што се базираат на дневни извештаи на здравствените власти во секоја земја.
Држави со најголема смртност се САД со 3.673 починати, Велика Британија со 1.449 и Бразил со 1.210.
САД се најтешко погодени од пандемијата на коронавирусот со 446.901 починат и 26.435.696 заразени, според Универзитетот „Џон Хопкинс“.
Меѓу најтешко погодените земји во Европа е Белгија, која има најголем број смртни случаи на жител, 183 на 100.000 жители, следуваат Словенија (170), Велика Британија (159), Чешка (156) и Италија (148).
Податоците се добиени од националните здравствени услуги и Светската здравствена организација. Агенцијата „Франс прес“ забележува дека дневните податоци можеби не се совпаѓаат со објавените податоци претходниот ден бидејќи властите прават корекции на податоците или доцнат со објавувањето.
