Италијанската војска била повикана да помогне во транспортот на мртвите пациенти со коронавирус во Бергамо чиј крематориум сега работи без прекин поради епидемијата на ковид-19, пренесува РТ.

Лидерот на Лига норд, Матео Салвини, на Твитер објави фотографија на која се гледа навидум бесконечна колона армиски камиони кои се движат низ италијанскиот град во регионот Ломбардија. Воените возила биле испратени за да се земат телата на починатите со кои не можат да се справат на локално ниво, рече Салвини.

Видео објавено на социјалните медиуми ги прикажува зелените и маскирните камиони паркирани на улица додека се подготвуваат за транспорт на телата.

Според извештаите во медиумите, крематориумот на Бергамо е преполн жртви на коронавирусот. Градот регистрираше најмалку 93 смртни случаи на Ковид-19, а локалните власти изразија страв дека најлошото допрва доаѓа.

Италија е најтешко погодената земја надвор од Кина, од каде се верува дека потекнува од вирусот. Италијанските власти објавија 475 нови смртни случаи од болест само во средата. Земјата сега има 35.713 инфекции и речиси 3.000 смртни случаи.

ПОВРЗАНИ СТАТИИПОВЕЌЕ ОД АВТОРОТ