Италијанската црква и владата потпишаа договор со кој им се дозволува на верниците да присуствуваат на верски обреди во црквите од 18 мај, но со задолжително носење заштитни маски, запазување на определената дистанца и некористење на светата вода.
Протоколот, потпишан од здружението на италијанските бискупи и владата, а одобрен од научниот одбор, наведува низа задолжителни мерки, што овозможуваат присуство на миси и други верски церемонии, како крштевање, венчавки и погреби.
За време на причестите, неопходна ќе биде дезинфекција на рацете, ставање ракавици за еднократна употреба, по што свештеникот ќе ја сподели причеста без контакт со рацете на верниците додека го почитува безбедносното растојание.
Собирањето добротворни цели за време на церемонијата беше оценето како несоодветно, но подароците може да се остават во кутии при влегувањето во црквата.
Исповедта мора да се одвива на пространи места, што овозможуваат социјална дистанца и доверливост, а свештеникот и лицето што сака да се исповеда мора да носат заштитни маски.
Редовното чистење по секој ритуал е задолжително. Црковните хорови сè уште не се поканети на обредите.
Секоја црква треба да го одреди и на влезот да го прикаже својот максимален капацитет, а притоа да го почитува растојанието од еден метар меѓу верниците.
Во секоја црква ќе биде прикажано предупредување дека е забранет влез во случај на треска, симптоми на грип или респираторни проблеми, како и по контакт со личност која е позитивна на Ковид-19.
Вратите на црквата ќе останат отворени, така што верниците нема да ги допираат.
– Италијанските бискупи не прифаќаат загрозување на слободата на богослужбата – реагира здружението на италијанските бискупи, кое преговараше со владата со недели.
