Францускиот стартап направи маска за лице која убива вируси, вклучувајќи го и новиот коронавирус, против кој целиот свет се бори повеќе од една година.
Маските имаат посебен вируциден слој и му овозможуваат на корисникот скоро стопроцентна заштита од зараза, пренесува ХРТ.
Направени се два модела на вируцидни маски – оној со сертификат ФФП2 ќе се продава по цена од 1,49 евра, а цената на обична, хируршка маска што убива вируси ќе биде 44 центи.
– Посебна карактеристика на оваа маска е тоа што има вируциден слој што ќе го деактивира вирусот веднаш штом го допре. Ова ќе донесе дополнителна заштита бидејќи вирусите не само што ќе бидат фатени како во традиционалните маски, туку ќе станат безопасни – вели Никола Бланшиман, истражувач на биоматеријали на Универзитетот во Лил.
