Во последните 24 часа во Шпанија од коронавирус починаа 838 луѓе, соопштија од Министерството за здравство на земјата.
Тоа е најголемото дневно зголемување на жртвите досега, со што вкупниот број на смртни случаи од вирусот достигна 6.528. Вкупниот број на инфицирани сега изнесува 78.797, што пред 24 часа оваа бројка изнесуваше 72.284.
Spanish Health Ministry confirms a further 838 people have died in Spain from COVID-19, bringing total to 6,528
— Sky News Breaking (@SkyNewsBreak) March 29, 2020
Поради ситуацијата во земјата премиерот Педро Санчез воведе поригорозни мерки, кои од денес стапија на сила.
Шпанија ги сопре сите економски активности освен нужните. Ќе останат отворени здравствените служби, полицијата, пожарникарите, медиумите, продавниците со храна, аптеките, трафиките, банките и бензинските пумпи.
– Сите работници во активности кои не се клучни ќе мора во следните две недели да останат дома. За време на тој период нормално ќе примаат плата. Кога ќе заврши оваа вонредна состојба, ќе го надокнадат во договор со работодавачите. Ќе работат дневно половина час до час повеќе, за време на викенди… сѐ до 31 декември – изјави Санчез за медиумите.
