Во изминатите 24 часа во Италија починаа 130 пациенти со коронавирус, што е помалку од претходниот ден, објави Агенцијата за цивилна заштита.
Така, вкупниот број на починати од почетокот на епидемијата на 21 февруари, достигна 32.616, што ја става Италија на третото место во светот, по САД и Велика Британија.
Бројот на заразени лица е зголемен за 652, така што вкупниот број е 228.658.
Сепак, статистичарите веруваат дека во Италија, како и во многу други земји, многу повеќе луѓе починале од вирусот отколку што покажуваат официјалните податоци, затоа што многу починати пациенти претходно не биле тестирани за ковид-19, пренесува „Ројтерс“.
Во моментов има нешто повеќе од 59.000 активни случаи, а 595 лица се на интензивна нега. Закрепнале 136.720 лица.
Италија, која има население од 60 милиони, досега тестирала 2,12 милиони граѓани.
