Човештвото е наклонето кон десно уште од самиот почеток. Поточно, луѓето ја користеле десната рака почесто од левата, а истото тоа важи и за повеќето примати. Но научниците дури сега дојдоа до откритие што би објаснило зошто е тоа така. Според истражување спроведено од научници од Универзитетот во Оксфорд, преваленцата на едната страна се случила за време на две големи еволутивни промени – издигнување на две нозе и развој на поголем мозок.
Ова истражување анализирало податоци собрани со набљудување на 41 вид примати. Тестирани се сите еволутивни фактори, како што се употребата на алатки, видот на исхрана, живеалиштето, големината на телото, социјалната структура, големината на мозокот, моделите на движење и слично. Кога научниците ги споредиле тие податоци со оние на луѓето, ништо не открило зошто нашиот вид избрал да биде претежно десничар. Но кога го додале односот на должината на раката и должината на нозете во нивната анализа, одеднаш луѓето со подолги нозе испаднале од равенката.
Научниците открија дека одењето исправено им овозможува на луѓето (односно на нивните предци) да ги направат своите раце специјализирана алатка, а на самиот почеток веројатно имало еднаков број левучари и десничари во популацијата. Но, како што се развивал нивниот мозок луѓето почнале да користат сè посложени алатки и да комуницираат со движења на рацете и со гестови, десната рака станала доминантна. Таа доминација започнала пред приближно 2,6 милиони години, долго пред денешниот хомо сапиенс и неговите неандерталски предци. Токму развојот на сложени задачи најмногу влијаел врз доминацијата на левата страна од мозокот. Имено, секвенцијално организираните однесувања се сметаат за нешто што го контролира левата хемисфера на мозокот, која исто така ги контролира сите моторни функции и движења на десната страна од телото. Секако, не треба да го заборавиме воспитувањето, односно фактот дека децата учат имитирајќи ги своите родители. Значи, ако родителот ја користи десната рака за сè, постои поголема шанса детето да го имитира во тоа.
Податоците од Индонезија покажуваат дека мозокот играл голема улога во развојот на десничарите и левучарите. Еден древен хуманоиден вид, наречен хобит, задржал помал мозок и способност да се качува, додека одел исправено. Сепак, членовите на тој вид немале приближно иста доминација на десната рака. Она на што не одговори студијата е фактот дека околу 10 проценти од луѓето сè уште се потпираат првенствено на левата рака. Тајната зад тоа сè уште треба да се открие.
