Стопете пет килограми за еден месец
Дали одлучивте да започнете диета и да ги изгубите вишокот килограми? И самите знаете од искуство дека тоа е полесно да се каже отколку да се направи. Сепак, периодот што претстои не мора да се претвори во кошмар, особено не во ера кога паметните технологии ни се на дофат. Затоа во овој текст ќе се занимаваме со темата за слабеење, но и како технолошките уреди можат да ви помогнат да ги намалите вишокот килограми.
Нема потреба да се лажеме, математиката едноставно не е на наша страна. За да изгубиме 1 кг маснотии, потребно е да направиме калориски дефицит од 7.700 калории. Како да се постигне тоа? Постојат два начина – помало внесување храна и поголема физичка активност. Значи, јадете помалку и движете се повеќе. Колкупати сте ја слушнале таа фраза? Веројатно повеќе отколку што можете да изброите, но нема сомнеж дека е вистина. Ако просечниот човек внесува 2.000 калории дневно, тоа значи дека треба да внесува ист број калории во просек за да ја одржи истата тежина. Ако отидеме до крајност, ако човек не јаде апсолутно ништо и трча по два часа секој ден, ќе изгуби околу 12 килограми сало за еден месец. Но не е реално да не се јаде ништо еден месец, како што не е реално просечен човек да трча по два часа дневно. Она што е реално е да се намали внесувањето храна и постепено да се започне со она што е физички изводливо.
Некои прифатливи ограничувања во калориската вредност под кои не треба да се оди се 1.200 калории за жени и 1.600 калории за мажи. Просечен човек ќе изгуби околу пет килограми за еден месец со рестриктивна диета од 1.400 калории и дневно пешачење од два часа. Можеби не звучи толку примамливо како разни диети што ветуваат нереални резултати, но секако е одличен почеток. Ако останете дисциплинирани, за два месеца таа бројка ќе биде веќе 10 кг, за три месеци 15 кг итн.
Како можете да ја користите технологијата? Постои апликација за броење калории. Најчестиот проблем што може да се слушне е „јас бројам калории, но килограмите не се бројат“. Може да се случи вашето тело некое време да задржи повеќе вода и вагата да покаже ист број килограми, но долгорочно не може да стагнира доколку не направите грешка во начинот на броење. Затоа, ако сакате да броите калории, правете го тоа правилно. Купете кујнска вага (ако веќе немате) и почнете да најавувате сè што внесувате во апликацијата Мај фитнес пал – буквално сè! Оваа апликација ја стекна својата популарност благодарение на тоа што им овозможува на корисниците да ја внесат калориската вредност на различни производи во нејзината база на податоци, со што овие податоци стануваат достапни за секој што ќе го бара тој производ во иднина. Сè што треба да направите е да ја измерите храната што ќе ја јадете, да ја пронајдете во базата на податоци и да го запишете количеството што сте го внеле. Исто така можете да пребарувате производи со скенирање на бар-кодот.
