Археолозите открија големо место на палеолитска пештерска уметност на источниот брег на Шпанија, со приказ на коњи, елени и диви бикови.
Повеќе од 100 антички слики и гравури, за кои се верува дека се стари најмалку 24.000 години, се откриени во 500 метри длабоката пештера Кова Донес или Куева Донес во Миларес, недалеку од Валенсија, пренесува „Хина“.
Иако локацијата е добро позната на локалното население и планинарите, сликите останаа неоткриени додека не беа откриени од истражувачите од универзитетите во Сарагоса и Аликанте, кои се поврзани со колегите во Саутемптон.
– Кога го видовме првиот насликан изумрен див бик, веднаш сфативме дека е важен – изјави Аитор Руиз-Редондо, виш предавач по праисторија во Сарагоса и Саутемптон.
– Иако Шпанија е земја со најголем број палеолитски пештерски уметности, повеќето од нив се концентрирани на северот на земјата. Источна Иберија е областа каде што досега се документирани неколку од овие локалитети“.
Научниците документираа повеќе од 100 мотиви за нивното истражување, објавено во списанието „Antiquity“, со најмалку 19 потврдени прикази на животни, од кои многу се направени од глина, што е невообичаено.
Се верува дека откритието е најважното место на палеолитската пештерска уметност што е пронајдено во регионот со најголем број мотиви откриени во Европа од Атксура (Бизкаја) пред осум години.
– Животните и знаците беа прикажани со едноставно влечење на прстите и дланките покриени со глина по ѕидовите – објасни Руиз-Редондо.
Научниците веруваат дека ќе откријат повеќе уметност во пештерите додека продолжуваат нивните истражувања.
