Ако пребарате на Гугл кој е најсреќниот човек на светот, ќе го добиете името Матие Рикар – 72-годишен француски писател и тибетски будистички монах, роден во 1946 година како син на филозоф и уметник. Тој ја доби оваа титула откако учествуваше во 12-годишна студија за медитација со сочувство, предводена од неврологот од Универзитетот во Висконсин, Ричард Дејвидсон.
Дејвидсон поставил 256 сензори на главата на Рикардо и забележал дека неговиот мозок, кога медитира за сочувство, свети неверојатно, а скенирањата покажале дека кога Рикардо медитира за сочувство, неговиот мозок произведува гама-бранови што се поврзани со свесноста, вниманието, учењето и парите, на ниво што науката никогаш досега не го забележала, покажала студијата.
Скеновите откриле активност во неговиот лев префронтален кортекс на мозокот, што му овозможува да има невидено чувство на среќа и многу мала можност да чувствува негативност. Рикар, кој понекогаш медитира по цел ден, признава дека се чувствува како среќен човек, иако не сака да го нарекуваат најсреќниот човек во светот. Тој му ги откри своите тајни на новинар од порталот „Бизнисинсајдер“, кој разговараше со него за време на Светскиот економски форум во Давос (Швајцарија).
– Престани да мислиш на себе, јас, па јас. Одговорот лежи во алтруизмот. Кога постојано мислиме само на себе, се уморуваме и сме под стрес, што на крајот води до тоа да бидеме несреќни. Ако сакате да бидете среќни, бидете добронамерни. Не само што ќе се чувствувате подобро, туку и другите ќе почнат да ве гледаат како подобра личност. Сепак, не дозволувајте другите луѓе да ве искористуваат. Потрудете се да бидете разумно учтиви. Ако вашиот ум е полн со добронамерност, ентузијазам и солидарност, тоа е многу здрава состојба на умот што води до процут на целото битие. Вие сте во многу подобра психичка состојба. Докажано е и дека ќе бидете поздрави – вели Рикар.
Ова звучи одлично во теорија, но како навистина да станете алтруисти и да не дозволите да ве обземат себични мисли. Рикар верува дека има добрина во секое суштество, освен ако нешто не тргне хемиски наопаку во вашиот мозок. Исто како маратонците што мора да вежбаат многу пред да трчаат на долги патеки, луѓето што сакаат да бидат посреќни мора да го вежбаат својот ум. Рикар претпочита медитација. Неговиот совет е секој ден да поминувате најмалку 15 континуирани минути во среќни мисли.
