Откако потроши десетици милијарди долари на виртуелна и проширена реалност, „Мета“ сака да се позиционира како поприфатлива алтернатива на Вижн про на „Епл“ и неговиот ВижнОС. Натпреварувањето со гигантот од Купертино ќе се покаже како предизвик, но отворањето на оперативниот систем Мета квест и еволуирањето во отворен екосистем може многу да придонесе за зголемување на неговата привлечност. „Мета“ ќе го направи оперативниот систем што ги напојува нејзините слушалки „квест“ достапен за трети производители. Придружната објава е ребрендирање на оперативниот систем со потенцијално значајни промени во политиките поврзани со дистрибуција на софтвер. Уредите што ја користат платформата на „Мета“ ќе работат со она што компанијата сега го нарекува Мета хорајзон ОС. Промената на името се однесува и на продавницата за апликации Квест, која сега се нарекува Мета хорајзон стор, а придружната мобилна апликација Мета квест сега е апликацијата Мета хорајзон.
Првите партнери за слушалки ја вклучуваат единицата Асус РОГ фокусирана на игри, уредот за мешана реалност на „Леново“ и Мета квест на „Мајкрософт“ со брендот Иксбокс. Покрај тоа, софтверскиот екосистем Мета ќе стане поотворен. Иако компанијата не спомна странично вчитување, потврди дека софтверот Апп лаб наскоро ќе стане видлив преку неговата примарна продавница.
„Мета“ ја претстави оваа апликација во 2017 година за да им даде на програмерите можности да дистрибуираат софтвер надвор од процесот на одобрување на компанијата, така што нејзината промоција на Хорајзон ОС ги прави алтернативните канали за дистрибуција на апликации (како Сајдквест) подостапни за поширок опсег на луѓе. „Мета исто“ така сака да ја направи продавницата на Гугл плеј достапна на Хорајзон ОС, но не е јасно дали „Гугл“ има такви планови. Друг напор што има за цел да донесе повеќе апликации на платформата на „Мета“ е претстојната рамка за просторни апликации, која ќе го олесни преносот на мобилниот софтвер на Хорајзон и ќе го претвори во мешана реалност. „Мета“ не кажа кога може да станат достапни таквите апликации, но програмерите сега можат да се пријават за пристап до низа алатки за конверзија. Доколку биде успешна, стратегијата за отворена платформа може да ја претвори „Мета“ во Андроид или Виндоус на проширената реалност и примарен конкурент на „Епл“ во таа арена. Како дел од оваа промена во стратегијата, „Мета“ неодамна ја намали цената на Мета квест 2 на 199 долари за да го прошири досегот на веќе популарните слушалки.
