Обилните дождови и сушите и бурите влошени од климатските промени го отежнуваат производството на традиционални алкохолни пијалаци. Од просеко во Италија до гинис во Ирска, тоа се пијалаците што се изложени на ризик од климатските промени. Просеко е пенливо бело вино што се произведува во лозја на планинските падини на североисточна Италија. Но приносите од грозје се намалуваат, уништени од смртоносна комбинација од екстремни временски услови и деградација на почвата.
Новата анализа – објавена во списанието „Ај сајенс“ минатата година – ја опишува бербата како „кревка и под закана“. Ненадејните и интензивни дождови предизвикуваат ненадејна ерозија на почвата и „паѓање на наклонот“ – кога земјата се лизга – во стрмните лозја Валдобијадене и Конељано каде што се произведува просеко со највисок квалитет. Сушата е уште еден проблем што го отежнува наводнувањето на посевите. Нестабилното време – поттикнато од климатските промени – би можело да ја намали жетвата на грозје во Италија до една петтина, проценуваат производителите.
И унгарската палинка добива нов вкус поради климатските промени. Палинка е традиционална овошна ракија што се произведува во Унгарија уште од средниот век. Пијалакот е заштитен со ознаката за географско потекло на Европската Унија, а само овошната ракија што е пасирана, дестилирана, зреена и амбалажирана во Унгарија може да се нарече палинка. Најчесто користени овошја се сливи, кајсии, јаболка, круши, малини, црни рибизли и цреши, но некои од нив стануваат сè потешки за одгледување. Според климатските експерти, временските промени во Унгарија ги загрозуваат овошните култури како што се малините и црните рибизли. Доминантните западни ветрови слабеат, а временските услови од север и југ се почести. Како резултат на тоа, младите плодови замрзнуваат на дрвјата напролет, додека земјоделските култури мора да се справат со екстремна суша во лето.
Некои производители се обидоа да садат дрвја што цветаат доцна за да ги избегнат мајските мразови, но ова ѝ дава на палинката поинаков вкус. Други дестилерии донесоа порадикална одлука да експериментираат со производство на палинка со киви, која земјоделците сега можат да ја одгледуваат во променливата клима на Унгарија.
