Бананите со црвена кора, кои ја добиваат бојата на домат при зреење, имаат вкус сличен на сочни слатки малини. Црвените банани се малку помали по големина од вообичаените жолти банани. Текстурата и мекоста на црвената банана се идентични како кај жолтата. Вкусот на оваа банана е сладок и е најблизок до вкусот на малина.
Варење и тежина: Црвената банана е одличен извор на диетални влакна, кои се неопходни за правилно варење. Ако имате дигестивни проблеми, проблеми со запек или ретка столица, црвената банана е одличен избор за вас. Една црвена банана содржи четири грама влакна. Со консумирање на оваа банана можете да го регулирате варењето и да ја намалите можноста за срцеви заболувања и дијабетес. Бананата не содржи многу калории, па затоа е одлична храна што не содржи масти и лесно се вари. Диететските влакна ќе ве држат сити долго време со многу малку калории.
Витамин Ц: Црвените банани се богати со витамин Ц, кој е антиоксиданс. Витаминот Ц го штити телото од слободните радикали, кои можат да влијаат на појавата на рак и срцев удар. Овој витамин го зајакнува имунитетот и го подобрува метаболизмот. Една банана содржи 16 проценти од дневната доза на витамин Ц.
Црвената банана ја зголемува енергијата: Ако ви треба инстант засилувач на енергија, црвените банани се одличен избор. Природните шеќери што се наоѓаат во овошјето веднаш се претвораат во енергија со варење. Една банана по појадок е одличен рецепт за деца што ќе бидат силни, будни и активни во текот на денот. Црвените банани се одлична храна за мозокот, концентрацијата, енергијата и добрата меморија.
Полесно откажување од пушење: Црвените банани се богати со витамини од Б-комплексот и витамин Ц, како и со магнезиум и калиум, кои му помагаат на телото да се справи со симптомите што се јавуваат во телото по откажување од пушење. Црвените банани, како и жолтите, може да се јадат свежи. Ако ја отстраните кората, се појавува вкусна и мека пулпа во боја на лосос.
