Основата на доброто здравје е составена од хранливи материи, витамини и минерали што ги внесуваме со здрав појадок. Меѓутоа, од друга страна, одредени намирници не ја исполнуваат задачата и можат да доведат дури и до воспаление во организмот. Хроничното воспаление е последица на голем број болести, како што се: дијабетес, срцеви заболувања, мозочен удар, но и лоша исхрана, стрес, недостиг од сон или недостиг од физичка активност.
Кога станува збор за исхраната, исклучувањето на храната што може да придонесе за воспаление, особено од појадокот, може да го намали ризикот. Доколку имате ваков или сличен здравствен проблем, обидете се да ги ограничите овие неколку намирници и најважниот оброк во денот заменете го со здрава алтернатива.
Овесна каша со вкус
Овесната каша е исто така на списокот на подмолна воспалителна храна. Иако може да биде едноставен, лесен и здрав појадок полн со здрави влакна, витамини и јаглехидрати, овесната каша со вкус и додаден шеќер може да придонесе за вашето воспаление и да создаде контраефект.
Истражувањата покажаа дека исхраната со висока содржина на шеќер може да ги зголеми воспалителните маркери во телото, што укажува на влошување на самото воспаление. Затоа, овесната каша без дополнителни вкусови е вистинскиот избор, кој со додавање овошен и јаворов сируп може да направи комплетен оброк.
Палачинки и вафли
Палачинките и вафлите најчесто се мешавина од бело брашно и додаден шеќер, со многу малку протеини или влакна за балансирање на шеќерот. Освен тоа, шармот на палачинките се крие во засладените и масни чоколадни намази, што оваа комбинација ја прави рецепт за катастрофа. Палачинките за појадок одвреме-навреме се во ред, но честото консумирање не е добро за воспаленија.
Мафини
Мафините или крофните изгледаат како вистински избор кога брзате да го зголемите нивото на шеќер со појадок, меѓутоа, овие слатки печива често содржат големи количества состојки за кои се знае дека предизвикуваат воспаление, особено ако ги консумирате во големи количества во текот на долг временски период.
Мафините најчесто се полни со шеќер, заситени масти и други проинфламаторни состојки. Иако во зависност од приготвувањето мафините можат да изгледаат како здрава алтернатива, тие се лош избор за лицата со воспалителни проблеми.
Преработено црвено месо
Најдобрите пријатели на кајганата, колбасите и сланината не се толку добри за организмот, особено кога имате воспаление. Овие две намирници се богати со соединенија наречени производи за напредна гликација. Овие соединенија се поврзани со повисоки нивоа на воспаление, како и со некои хронични болести. Не мора целосно да го избегнувате месото кога станува збор за појадок, но препорачливо е да го ограничите внесувањето на овие намирници.
Бел леб
Парче тост со малку топол путер изгледа како совршен појадок. За жал, белиот леб се прави од бело брашно, кое брзо се вари, па чувството на глад брзо се враќа. Белото рафинирано брашно е поврзано со зголемено ниво на воспаление.
Постојат добри алтернативи за производите од бело брашно. Всушност, интегралните жита се поврзани со намалување на воспалението, помал ризик од хронични болести и многу други здравствени придобивки.
