Напролет, принцот Хари и Меган Маркл повеќе нема да можат да ја користат титулата „кралско височество“ и го изгубија правото на користење јавни средства.
Со напуштањето на кралските должности, славната двојка влегува во животот на обичните луѓе.
– Со оглед на корените на Холивуд, се очекува Меган Маркл да се врати – забележува холивудскиот ТВ канал „И ентертејмент“.
Сега, странските медиуми тврдат дека принцот Хари и Меган планираат да најдат нов извор на приходи во наредниот период. Тие наводно планираат да основаат продуцентска куќа и да снимаат документарни филмови.
– Познатите родители планираат да направат документарни филмови на тематски теми како менталното здравје и климатските промени. Тоа ќе биде документарна серија чиј извршен продуцент ќе биде Војводата од Сасекс, а ќе се снима за „Епл ТВ“ – изјави извор за „Дејли мејл“.
И покрај напуштањето на кралското семејство, Меган Маркл и принцот Хари продолжуваат да објавуваат разни содржини на нивниот официјален профил на Инстаграм.
Принцот Хари неодамна ја објави својата шеста игра „Инктиктус“, додека Меган на многу пресметан начин им се обрати на милиони фанови, барем според експертите.
Поточно, Меган сподели неколку фотографии на Инстаграм, од посетата на едно лондонското засолниште за животни која се случила претходно овој месец, пред принцот Хари и таа да објават дека ги напуштаат кралските должности.
Сепак, сите коментираа дека Меган ги објавила фотографиите на социјалните медиуми откако војвотката Кејт Мидлтон тргнала на 24-часовна турнеја низ земјата.
Се верува дека Меган внимателно го испланирала овој потег надвор од кралскиот протокол, исто како што, заедно со принцот Хари, ги објавија важните вести за монархијата, на 38-от роденден на војвотката од Кембриџ, јавуваат локалните медиуми.
Според странските медиуми, Канада ќе продолжи да плаќа за безбедноста на принцот Хари и Меган Маркл сè додека не станат финансиски независни.
Во моментот кога ќе започнат да заработуваат доволно пари од рекламите, парот ќе ги преземе обврските за плаќање на своето обезбедување.
– Од моментот кога се дојдени во Канада, обезбедувањето е приватна работа и повеќе нема никаква врска со нивните титули. Затоа не е јасно зошто телохранителите сè уште ги плаќа државата – изјави извор за странските медиуми.
